網絡熱話｜的士離奇闖入大埔單車徑　拍片者直呼「奇景」　網民：與單車共融

【有線新聞】為了行車安全，駕駛時一定要時刻留意道路標示！網上今日（4月1日）就流傳一段的士離奇闖入單車徑行駛的影片，引起不少網民熱論，更有人留言笑稱是「與單車共融」。

該段影片長約28秒，可見一輛綠色的士疑誤闖入大埔大窩東支路近元嶺村一帶的單車徑，並緩緩向前行駛。期間不斷有人在旁跑過或踩單車經過，紛紛投以詫異目光，又再三回頭觀望，而拍片者亦不禁謔稱「奇景呀！單車徑都有的士行」。

其中一對跑步男女更停下勸阻司機繼續前行，指「前面有欄杆攔住，你去唔到㗎！」未幾，男子又直斥司機：「點會行咗入嚟單車徑㗎？危險駕駛，後面影住你啊！」而司機只回應道「唔知啊。」

影片引起不少網民討論，有人直斥的士司機離譜，「呢架的士唔係第一次咁，幾個月前我同一個位見過」、「咁都唔停牌就無嘢好講了」、「單車徑有減速柱，佢點入到去」；有人笑稱「與單車共融」、「每日都有新鮮事物，綠的士行單車徑第一次見到」；另有人嘲諷「我揸的士跑步係咪唔得先？」、「單車都可以喺馬路上亂嚟冇罰，我的士一入單車徑就咁多聲氣？」