女友銅鑼灣誤上曱甴的士　過海才發現「焗搭」至佐敦　事主：無心投訴

【有線新聞】的士記分制尚未出台，有網民近日就分享搭上「恐怖的士」經歷，發現大大小小蟑螂在車內亂爬，但由於的士已準備入隧道過海，最終要「捱到」去佐敦才能脫身。該網民明言知道司機「揾食艱難」，無心開名投訴，但希望如果有行家認識車主可以勸喻一下。

後座驚見一大群　司機：過左海先有得落

發貼網民稱女友上月31日於銅鑼灣時代廣場過海的士站上車，要過海前往大角咀。女友上車時已因為好熱要求開冷氣，但司機完全無理會，其後就發現車頭倒後鏡上有一隻大蟑螂，「到見到一大群係後座時要求落車，但車已經上左橋入紅隧方向，司機亦表示過左海先有得落」，最終到了佐敦才能下車。

「基於好多人要求車牌，亦有朋友表示無車牌又點勸喻，都有道理。」該網民指為免因「起底」違規，亦不想當事人太受影響，明白司機們揾食艱難，因此只有限度展示部份資料，「大家上車前注意一下就好」。網民指無心投訴司機，希望大家當成「茶餘飯後笑料一則」，又強調其女友「無受傷害」。